ماوراء

شگفتہ نے سوالات بنائے ہیں. طریقہ کار بھی یہاں دیکھیں. میں تمام سوالات کے جواب نہیں دے رہی.

• آپ کا نام یا نک؟ اگر اصل نام شیئر کرنا چاہیں تو کر سکتے ہیں۔

ماوراء

• آپ کے بلاگ کا ربط اور بلاگ کا نام یا عنوان؟ بلاگ کا عنوان رکھنے کی کوئی وجہ تسمیہ ہو تو وہ بھی شیئر کر سکتے ہیں۔

کوئی نام نہیں ہے.

• آپ کا بلاگ کب شروع ہوا؟
  14 اگست 2007

پڑھنا جاری رکھیں۔۔۔ »

ڈفر نے ٹیگ کیا۔جواب حاضر ہیں۔

”دو اور 2 چار“

• چار جگہیں جہاں میں بار بار جاتی ہوں

- یونیورسٹی
- گروسری سٹور
- اوسلو سٹی
- گھر

• چار لوگ جن سے باقاعدہ ملتی ہوں، گھر والوں کے علاوہ

- امی
- ابو
- بہن
- دوست

• چار کھانے کی پسندیدہ جگہیں

- سازان ریسٹورنٹ
- پیزا ہٹ
- ہولمن کولن ریسٹورنٹ
- گھر کے کھانے پڑھنا جاری رکھیں۔۔۔ »

ہماری عید تو گزر بھی گئی اور پتہ بھی نہیں چلا۔ ساجد نے پوچھا ہے کہ” آپ کے ہاں عید کیسے منائی جاتی ہے” اگر اس کے جواب میں میں صرف اتنا کہوں کہ ہمارے ہاں عید منائی ہی نہیں جاتی تو زیادہ بہتر ہو گا۔ :D

لیکن عید آنے پر مجھے زیادہ خوشی اس بات کی ہوتی ہے، کہ چھٹی کا بہانہ مل جائے گا۔ یہاں بہت سے ایسے بھی ہیں جو چھٹی نہیں لیتے، بلکہ اگر ان سے پوچھا جائے کہ عید کیسے منا رہے ہیں؟ تو کسی کا جواب ہو گا۔۔میں نے تو کام پر جانا ہے۔ کسی کا ۔۔ کچھ خاص نہیں۔۔۔اور کئی ایسے ہیں جو منہ کے خاص زاویے بنا کر اور کندھے اچکا کر یہ ظاہر کرواتے ہیں کہ عید پر کیا کرنا ہے؟ وغیرہ وغیرہ حالانکہ اب ہمیں آسانی سے سکولوں ، کام وغیرہ پر چھٹی مل جاتی ہے۔ لیکن ایک لحاظ سے اگر دیکھا جائے تو عید پر کچھ کرنے کو تو ہوتا نہیں ہے، چھٹی کر کے سارا دن ضائع ہی جاتا ہے، جیسے میں نے آج ضائع کر دیا۔

خیر۔۔۔ پیر کو عید تھی تو اس طرح میری ہفتے سے منگل تک چار چھٹیاں ہو گئیں یعنی عید ہو گئی۔ ساری رات کمپیوٹر کی پوجا کرنے کے بعد دن بارہ بجے اٹھی۔ موبائل پر تین، چار ایس ایم ایس موجود تھے۔ میری ایک دوست جو یہیں ہوتی ہے، صبح دس بجے ایس ایم ایس کر کے مجھ سے پوچھ رہی تھی کہ “آج عید ہی ہے نا یا نہیں ہے؟” بارہ بجے اس کو میں نے جواب دیا کہ “ہاں ، آج عید ہی ہے۔ عید مبارک۔” واپس جواب آیا۔ “عید مبارک۔” اس سے اندازہ لگا لیں کہ ہمارے ہاں کیسے عید منائی جاتی ہے۔:D

امی نے ناشتہ بنایا، کھا، پی کر واپس کمپیوٹر کے سامنے۔۔۔!! عید مبارک کے کچھ ایس ایم ایس کیے، ابو سے پاکستان میں بات ہوئی۔پولینڈ میں بھائی سے دو گھنٹے چیٹ کی۔ ایک، دو فون کیے۔ بکرا عید پر میں نے رات کو ہی مچھلی کا قورمہ بنا کر رکھ دیا تھا۔ عید کے دن ہم نے مچھلی پر گزارہ کیا۔ ساجد کی نصیحت کے مطابق بالکل بھی زیادہ نہیں کھایا۔:D

نہایت ہی بور عید گزری۔ یہاں شاید وہی لوگ اچھی عید منا سکتے ہیں، جن کے رشتے دار بھی یہیں ہوں تو عید کے دن وہ اکھٹے ہو جاتے ہیں۔ ہر عید پر ہم بھی کھانے پر کسی نہ کسی کو بلا لیتے ہیں یا کوئی ہمیں بلا لیتا ہے۔ لیکن اس عید پر نہ ہم نے کسی کو بلایا، اور نہ ہی کسی کی دعوت قبول کی۔:p

ایسے موقعوں پر پاکستان کی بہت یاد آتی ہے۔ :( پاکستان میں آج عید ہے، تو سب کو عید بہت مبارک ہو۔ امید ہے پاکستان میں سب کی اچھی عید گزرے گی۔

تصویر یہاں سے لی گئی ہے

ٹیگ بھی کرنا ہے تو کراچی سے شب کو کر رہی ہوں۔ اور امریکہ سے جہانزیب تو بتا ہی چکے ہیں، لیکن اگر کوئی اور بھی بتانا چاہے تو ضرور۔

ڈفر نے سلسلہ شروع کیا۔ اس کے بعد شعیب اور فرحت نے ٹیگ کیا۔

آٹھ گھر۔۔۔!! پہلے مجھے یہ بتایا جائے کہ ان آٹھ گھروں کی صفائی کون کرے گا؟ مجھ سے تو ایک اپنے کمرے کی صفائی نہیں ہوتی، امی سے ڈانٹ کھاتی رہتی ہوں۔ خیر خواب ہی دیکھنے ہیں تو یہ بھی سمجھ لیتی ہوں کہ گھر کبھی گندے ہی نہیں ہوں گے۔ :D

کھیل کے اصول کے مطابق آپ کو فرض کرنا ہے کہ آپ جان مکین جتنے امیر ہو جائیں اور آپ کے آٹھ مکان ہوں اور یہ آٹھ مکان کہاں ہوں؟ اور کیوں؟
آپ صرف اسی ملک میں مکان بنا سکتے ہیں جہاں آپ رہتے ہیں اور میک کین بن سکتے ہیں۔ اس ٹیگ پوسٹ کے بعد آٹھ دوسرے بلاگرز کو ٹیگ کریں اور گھر بنانے کے لئے پراپرٹی کی قیمت کی فکر نہ کریں۔

چونکہ اپنا ٹھکانہ ایک نہیں ہے، اس لیے میں گھر دو جگہوں پر بناؤں گی۔

1۔ پہلا گھر اسلام آباد کے خوبصورت اور پرسکون ایریے میں ایک زبردست سا گھر بناؤں گی۔ اسلام آباد سے مجھے پتہ نہیں کیوں انسیت سی ہے، دوسرا پرسکون علاقہ ہے۔ یہ الگ بات ہے میرے آنے کے بعد کسی نے اس کا خیال نہ رکھا اور سکون برباد ہو گیا۔

2۔ دوسرا اپنے آبائی گاؤں میں۔ جہاں سے خاندان کی جڑیں شروع ہوتی ہیں۔ اور پہچان ہے۔

3۔ کشمیر جنت نظیر ۔

اس لیے کہ خوبصورت علاقہ ہے اور میں ہمیشہ یہی کہتی ہوں کہ لوگوں کا سانس شاید کچھ اور دیکھ کر رکتا ہو۔۔ لیکن میرا قدرتی خوبصورتی کو دیکھ کر رک جاتا ہے۔:D

بڑے سائز میں دیکھنے کے لیے یہاں کلک کریں

4۔ ایک لاہور میں۔ لاہور مجھے تب جانے کا بہت شوق تھا، جب میں نے لاہور نہیں دیکھا تھا، جب لاہور گئی تو سارا شوق اتر گیا۔ بہرحال ایک تاریخی شہر ہے۔ اور بہت سی وہاں جگہیں دیکھنے والی ہیں، وہاں گھر بنا کر  رہوں گی تاکہ سارا لاہور دیکھ سکوں۔ اور وہاں کے مزے مزے کے کھانے کھا سکوں۔

اب ناروے کی طرف

5۔ برگن میں گھر ضرور بناؤں گی، ناروے کا بہترین اور خوبصورت شہر ہے، اور سات پہاڑوں کے درمیان ہے۔

6۔ ایک نارتھ ناروے میں کسی بھی شہر میں بنا لوں گی۔ تاکہ پورے ملک کا چکر لگتا رہے۔ وہاں آدھی رات سورج کو نکلے ہوئے بھی دیکھ سکوں گی۔ اور دن کو چاند نکلا ہوا۔ اور شاید Aurora بھی۔

7۔ ایک گھر سمندر کے کنارے یا پہاڑی پر۔ جہاں سے سمندر کا نظارہ کر سکوں۔

تصویر یہاں سے لی گئی۔

8۔ اور ایک اوسلو میں۔ اوسلو میں جتنی رونق ہے، اتنی کسی شہر میں نہیں۔ اور اوسلو میں ہولمن کولن میں۔ جہاں سے سارے اوسلو کا نظارہ کیا جا سکتا ہے۔

تصویر یہاں سے لی گئی۔

اس پوسٹ کو لکھنے سے مجھے اندازہ ہو گیا ہے کہ آٹھ گھر بنانا کتنا مشکل کام ہو گا۔ کیونکہ ابھی خواب دیکھنا اور لکھنا ہی بہت مشکل تھا۔

اب میں اپنے آٹھ ساتھیوں کو بھی آٹھ گھر بنانے کی دعوت دیتی ہوں۔ حجاب، شگفتہ، امن، عمار، میرا پاکستان، شکاری، خرم اور جہانزیب۔ اگر ان ناموں میں سے کوئی پہلے لکھ چکا ہے تو اسے اگنور کر دیں۔ اور روابط دینا مشکل لگ رہا ہے۔ کل دوں گی۔

راہبر کا خیال ہے کہ کچھ مختلف انداز کے سوالوں سے دوبارہ ٹیگ ٹیگ کھیلا جائے تو لیں شروع کرتے ہیں۔ عمار نے مجھے بھی ٹیگ کیا ہے۔ لیکن میرا خیال ہے کہ اگر دو، تین لوگوں کو ٹیگ کیا جائے تو بہتر رہے گا۔ اس لیے میں تین کو ہی ٹیگ کر رہی ہوں۔

کھیل کے قوانین مندرجہ ذیل ہیں ۔
الف۔ کھیل کے قوانین جوابات دیتے وقت ارسال کرنا ہوں گے۔
ب۔ جس نے آپ کو اس کھیل سے منسلک کیا ہے، اُسکی تحریر کا حوالہ دینا لازمی ہے۔
ج۔ سوالات کے اخیر میں آپ مزید پانچ لوگوں کو اِس کھیل سے منسلک کریں گے، اور اس کی اطلاع متعلقہ بلاگ پر نئی تحریر میں تبصرہ کر کے دیں گے۔

1۔ ونڈوز یا لینکس؟

ونڈوز۔

2۔ ہالی ووڈ یا بالی ووڈ؟

ہالی ووڈ۔

3۔ پیپسی یا کوک؟

مجھے فانٹا سب سے زیادہ پسند ہے۔ اس کے بعد کوکا کولا۔

4۔ سیب یا انگور؟

سبز سیب۔

5۔ کراچی یا لاہور؟

لاہور۔

6۔ پاپ میوزک یا راک؟

دونوں ہی نہیں۔

7۔ چائے یا کافی؟

چائے۔

8۔ عدنان سمیع یا عاطف اسلم؟

 عدنان سمیع۔

9۔ نہاری یا حلیم؟

ہممم ۔۔ دونوں ہی پسند ہیں۔ لیکن زیادہ نہاری۔ (منہ میں پانی آ گیا ہے۔)

10۔ لوو میریج یا ارینجڈ؟

ارینجڈ۔۔۔ لیکن لو بھی۔

11۔ فورمز یا بلاگ؟

ہمممم۔۔۔میرا خیال ہے ۔ بلاگ۔

 12۔ نواز شریف یا آصف زرداری؟

آصف زرداری۔

13۔ دوست یا کزنز؟

دوست۔

14۔ کرکٹ یا فٹ بال؟

فٹ بال۔

15۔ پرسکون یا پریشان؟

پر سکون۔

میں امن ، شگفتہ اور فرحت کو ٹیگ کرتی ہوں۔

جہانزیب نے ٹیگ کا سلسلہ شروع کیا۔ رضوان نے مجھے ٹیگ کیا ہے، جس کے جواب حاضر ہیں۔

کھیل کے قوانین مندرجہ ذیل ہیں ۔
ا) کھیل کے قوانین جوابات دیتے وقت ارسال کرنا ہوں گے ۔
ب) جِس نے آپ کو اس کھیل سے منسلک کیا ہے، اُسکی تحریر کا حوالہ دینا لازمی ہے ۔
ج) سوالات کے اخیر میں آپ مزید پانچ لوگوں کو اِس کھیل سے منسلک کریں گے، اور اس کی اطلاع متعلقہ بلاگ پر نئی تحریر میں تبصرہ کر کے دیں گے ۔

1) اِس وقت آپ نے کِس رنگ کی جرابیں پہنی ہوئی ہیں؟

– جرابیں تو نہیں پہنیں۔

2) کیا آپ اس وقت کچھ سُن رہنے ہیں؟ اگر ہاں تو کیا؟

– گانا سن رہی ہوں۔ ( بانہوں کے درمیاں دو پیار مل رہے ہیں)

3)سب سے آخری چیز جو آپ نے کھائی تھی کیا تھی؟

-  آج امی نے زردہ بنایا تھا،ابھی وہی کھا کر آئی ہوں۔

4) سب سے آخری فلم کونسی دیکھی ہے؟

– کل ہی یوٹیوب پر ہی ایک بہت پرانی فلم “صرف تم“ دیکھی۔

5) آپ کا پسندیدہ قول کیا ہے؟

 -” اگر آپ برے ہیں تو یہ آپ کے حق میں برا ہے۔ اگر آپ اچھے ہیں تو یہ آپ کے حق میں اچھا ہے۔ لیکن اگر آپ بہت اچھے ہیں تو یہ آپکے حق میں بہت برا ہے۔”

دنیا کو جس قدر کسی نے پہچانا، اسی قدر اس سے بے رغبت ہوا۔

6)کل رات بارہ بجے آپ کیا کر رہے تھے؟

– یقیناً چیٹنگ کر رہی تھی اور ساتھ اردو محفل پر تھی۔

7) کِس مشہور شخصیت زندہ یا مردہ سے آپ مِلنا چاہیں گے؟

– شاید علامہ اقبال یا احمدی نژاد

8 ) غصہ میں اپنے آپ کو پرسکون کِس طرح کرتے ہیں؟

– بول کر جب تک سارا غصہ نکال نہ لوں، پرسکون نہیں ہوتی۔ اس لیے بول کر ہی سکون آتا ہے۔

9) فون پر سب سے آخر میں کِس سے بات ہوئی؟

– باہر گئی ہوئی تھی، امی کا ہی فون آیا تھا۔

10) آپ کا پسندیدہ تہوار کونسا ہے؟

– عید پر ہی مزہ آتا ہے۔

اب میں حجاب، راشد کامران، شکاری، دریچہ اور شاہدہ کو ٹیگ کرتی ہوں۔