ماورہ بلکل صیح کہا اور اک دم ٹھیک سوچا ، یہ مردوں کی عادت ہے ، عادت سے مجبور ہوتے ہیں اور اپنی اس بدعادتی کو چھوڑ نہیں سکتے ۔ جیسے کہ انکی فطرت ہوا کرتی ہے ۔
اور میں تم سے سوفیصد اتفاق کرتی ہوں اس بات سے کہ یہ بری عادتیں شادی شدہ مردوں میں اکثریت سے پائی جاتیں ہیں، ۔ ۔۔ میرا مشاہدہ ہے ۔ اور تم تو اچھی طرح جانتی ہو کہ باجو کے مشاہدے غلط نہیں
ایسے شادی شدہ شوہر ۔۔ ۔ جو اپنی پیوی سے تنگ آجاتے ہیں وہ ایسے کاموں میں ملوث ہوتے ہیں دوسرے جو پاکستان سے باہر رہتے ہوں اور ہر طرح سے سیٹل ہوں کرنے کو اور باقی کچھ نہ ہو تو ادھر ادھر ۔ ۔ ۔۔۔
خیر یہ تو مردوں کی عادت ہے ہی ۔ مگر یہ سچ ہے شادی شدہ اور ڈھلتی عمر کے مرد ان بد عادتوں کا زیادہ شکار ہوا کرتے ہیں ،۔۔۔
میرے سامنے کئی مثالیں ہیں دینے کو مگر نہیں دے رہی ،۔۔۔

میں‌ نے ابھی پوسٹ اسی لیے نہیں‌ لکھی کہ ہوسکتا ہے کل کو کسی “جینوئن” مسئلے کے لیے “گھورنا” پڑ‌ جائے۔

آپ نے اپنا نام ماوراء رکھا ہوا ہے تو آپ اسم با مسمٰی نکلیں اور کچھ ماوراء باتیں سامنے لے آئیں ۔ مبارک ہو ۔ میں ابھی منتظر ہوں مزید خواتنں و حضرات کی رائے کا ۔ اس کے بعد انشاء اللہ میں اپنی جوانی کے زمانہ کے واقعات اور ان پر تحقیق پہلی بار منظرِعام پر لاؤں گا جو کچھ لحاظ سے عام خیالات سے فرق ہے ۔

سب بھائی اور بہنیں جو وجوہات بیان کر رہے ہیں، درحقیقت یہ ساری وجوہات ملکر اس گھورنے والے مسئلے کو پیدا کرتی ہیں۔ کوئی فیصدی جائزہ لیا جائے تو خواتین کا بھی کچھ نہ کچھ کردار اس مکروہ فعل میں نکل آئیگا۔
دوسری بات گھورنے اور دیکھنے میں کوئی فرق ہے؟ میں نے تو زندگی میں کسی مرد کو گھور کر نہیں دیکھا چہ جائیکہ لڑکی یا عورت۔ کیونکہ ہمارا علاقہ ایسا ہے جہاں مردوں کو گھورنے پر بھی قتل ہو جاتے تھے۔ تاہم روشن خیالی کی برکات موصول ہوتے ہی یہ تالی اب دونوں ہاتھوں سے بجنے لگی ہے۔ میں نے اپنی صفائی یہاں دے دی کیونکہ اپنے بلاگ پر تو میں اتنا ہی کر سکتا ہوں کہ نہ گھورنے کا کوئی ٹیوٹوریل تحریر کر دوں۔
ماوراء اتنا اچھا لکھنے پر میری طرف سے داد قبول کیجیے۔

میں کہتی ہوں وہ مرد ہی کیا ہے ؟ جو ذرا سا اشارہ دیکھے اور لڑکھڑا جائے کیا مرد اتنے ہی ایمان کے کچے ہوتے ہیں کہ ان کو بس اک اشارہ کی دیر ہوتی ہے ۔؟
وہ مرد ہی کیا ہے جو اپنے آپکو سنبھال نہ سکے ،۔۔

لو ماوراء۔۔۔۔ تمہاری ہی کمی تھی۔۔۔۔

ماوراء بہت اچھا لکھا ہے تم نے اب چاہے میری پٹائی کریں ساری خواتین اور لڑکیاں مل کے مگر میں تو یہی کہوں گی کہ اگر لڑکی نہ چاہے تو کسی مرد کی کیا ہمت کہ وہ گھور کے دیکھے باہر نکلنے سے پہلے اگر لڑکیاں اپنے حلیے پر نظر ڈال لیں تو شائد یہ نوبت نہ آئے۔۔اس کا مطلب یہ نہیں کہ زمانے کے لحاظ سے فیشن نہ کریں ۔۔کریں مگر اپنی حد مت بھولیں تو کیا ہمت مردوں کی کہ وہ عورتوں کو گھوریں ۔۔میں نے خود کئی ایسی لڑکیوں کو دیکھا ہے جو آج کل کے فیشن کرکے اپنے کپڑے کبھی ادھر سے کبھی اُدھر سے کھینچ رہی ہوتی ہیں، اگر کبھی کسی مرد کی نگاہء غلط اُن پر جائے تو۔۔ تو کیا فائدہ یہ سب کرنے کا بری تو پھر بھی لڑکیاں ہی کہلاتی ہیں ۔مردوں کا کچھ نہیں بگڑتا اور اگر پھر بھی کوئی دیکھے تو لعنت بھیج دیں ایسے مردوں پر کاش تھپڑ بھی مارے جا سکتے ایسی حرکت پر مگر افسوس کہ ایسا ہو نہیں سکتا خاص کر پاکستان میں ویسے سب مرد نہیں گھورتے کچھ ہوتے ہیں جن کے پاس اور کوئی کام نہیں ہوتا سوائے اس کام کے ۔۔
باجو آپ کی ہر بات ٹھیک ہے مگر لڑکیاں کیوں فری کرتی ہیں مردوں کو اگر اوقات میں رکھیں تو کوئی ایسی نوبت نہیں آئے گی۔۔اس کا مطلب یہ نہیں کہ صرف لڑکیوں کا قصور ہے ۔۔مردوں کا بھی قصور ہے کیونکہ تالی تو دونوں ہاتھوں سے ہی بجتی ہے۔
پیاری بہنو میری پٹائی نہیں اوکے سچ لکھا ہے کڑوا لگے تو کچھ میٹھا میٹھا کھائیں

باجو، بالکل درست کہا۔ بالکل ایسا ہی ہے۔ اس کا مطلب ہوا کہ عورت سے بہتر مرد کو کوئی نہیں جان سکتا۔
اور باجو۔۔۔میرا مشاہدہ اور تجربہ دونوں ہی ہیں۔ اور ساتھ ایک اور راز کی بات بتا دوں کہ میں نے مردوں پر ایک کتاب لکھنی ہے۔ اس کے لیے میں مردوں پر تحقیق کر رہی ہوں۔

————
شاکر، بالکل۔۔پھر ابھی آپ اپنی باتیں سنبھال کر رکھیں۔
————

ضرور اجمل انکل۔ اس سے ہم یہ بھی اندازہ لگا سکیں گے کہ آپ کے دور میں اور آج کے دور میں کیا فرق ہے۔
————

عبید، کبھی کبھار انسان پر شیطان سوار ہو جاتا ہے، اور اگر بار بار ایسا ہو تو عادت ہو جاتی ہے۔ کاش کہ ان عورتوں کو اپنی عظمت کا اندازہ ہو جائے تو یہ ایسے کام کرنا چھوڑ دیں۔ اپنی بے عزتی خود کرواتی ہیں۔ باقی باجو نے بھی جواب دیا ہے۔
————

ساجد، گھورنے اور دیکھنے میں فرق ہو سکتا ہے۔ اب دیکھیں کہ اتفاق سے کسی پر ہماری نظر پڑ گئی اور ہم نے اس کو دیکھ لیا تو اسے گھورنا نہیں کہیں گے لیکن جب ایک بار نظر ڈالنے کے بعد بھی مسلسل دیکھا جائے تو اسے گھورنا کہتے ہیں۔ اور آپ تو اب اس علاقے میں کم ہی ہوتے ہیں مطلب آزاد ہیں۔

————
عمار، تو اور کیا۔۔اتنے مزے کی سارے باتیں کر رہے تھے میں بھلا کیوں پیچھے رہتی۔

————
وعلیکم السلام فرحت، آپ نے درست کہا۔
————

حجاب، یہ کیا کہہ رہی ہو۔۔؟ اس معاملے میں میں نے ہاتھ ہولا رکھا تھا اور تم نے ساری کسر پوری کر دی۔ نہیں، حجاب۔۔میرے خیال میں ہر کسی کو پورا حق ہے یا اسے حق دینا چاہیے کہ وہ اپنی مرضی سے جی سکے۔ کم از کم لباس میں تو آزادی ہونی چاہیے لیکن اس کے بعد یہ ایک الگ مسئلہ ہے کہ اگلے بندے کی اپنی حد کیا ہے ۔۔! اور پاکستان میں آجکل کپڑوں کا کون سا فیشن چل رہا ہے؟ کہ لوگ گھورتے ہیں۔ ٹرسٹ می۔۔لوگ نقاب والی کو بھی گھورتے ہیں۔۔ میرے ذہن میں کافی عرصے سے “حجاب“ کے موضوع پر لکھنے کا ہے۔ وقت ملتے ہی اس پر میں لکھوں گی۔
————-
فیصل، صاف کہیں نا کہ آپ بھی گھورتے ہیں۔

پاکستان میں گھورنے کے ساتھ ساتھ ایک اور گھٹیا حرکت یہ بھی ہوتی ہے کہ جملے بھی کسے جاتے ہیں۔ جو کہ گھورنے سے زیادہ قابلِ نفرت انداز ہے۔

لباس کے معاملہ میں اگر آزادی کہ ہر ایک اپنی مرضی سے لباس پہن سکے تو پھر دیکھنے کے معاملہ میں آزادی کیوں نہیں، جس کی جو مرضی آئے دیکھا کرے۔ دیکھو، آزادی کی اگر بات کی جانے لگے تو پھر دونوں طرف سے آزادی دینی پڑے گی۔۔۔ لیکن کچھ اہمیت اخلاقی قدروں کی بھی ہوتی ہے۔ اگر ایک عورت لباس کے معاملہ میں اخلاقیات کا مظاہرہ نہیں کرتی تو کس طرح وہ توقع کرسکتی ہے کہ مرد اخلاقیات کا مظاہرہ کرتے ہوئے اس کو نہ گھوریں۔۔۔۔۔!

ویسے میاں راہبر آپ کی اخلاقیات دوسروں پر بہت زیادہ منحصر نہیں ہے کیا؟ آپ کے اصول پر عمل کریں تو پھر دنیا میں کوئی نیکی نہیں ہو سکتی کہ ایک برائی سے آپ ہر وقت اگلی برائی کا بہانہ ڈھونڈیں گے۔

محب: میں کیا کپڑے پہنتا ہوں وہ میرا ذاتی فعل ہے اس سے کسی پر کوئی اثر نہیں ہوتا۔ مگر آپ اگر مجھے گھورتے ہیں یا تنگ کرتے ہیں یا برا سلوک کرتے ہیں تو یہ ایک معاشرتی فعل ہے۔

دوسری بات یہ کہ گھورنے کی توجہیہ اگر کپڑوں کو لیا جائے تو اس طرح ہر گناہ اور ہر برائی کی توجیہہ کچھ مشکل نہیں۔ اگر آپ ہر برائی کی اس طرح توجیہہ ڈھونڈ کر پیش کر سکتے ہیں اور ایک برائی سے ہزار برائیاں نکل سکتی ہیں۔ اگر اس طرح ہی ہر مسئلے کو دیکھا جائے تو پھر کسی برائی کا کوئی حل نہیں اور ہر برائی پھیلتی ہی جائے گی۔

تیسری بات یہ کہ لڑکیوں کے لباس گھورنے کی وجہ ہے ایک بہانے سے زیادہ کچھ نہیں۔ کسی لڑکی یا خاتون سے پاکستان میں معلوم کر لیں۔ آپ کو پتہ چلے گا کہ نقاب والیوں سے لیکر دوپٹہ اوڑھنے والیاں سے لیکر جینز پہننے والیوں تک سب کو گھورا جاتا ہے۔ اور بازاروں اور پبلک ٹرانسپورٹ میں جو کچھ خواتین کے ساتھ ہوتا ہے اس کی تو بات ہی نہ کریں۔

ایک بار پھر شکریہ زیک آپ نے فی الحال مجھے ایک اور مضمون لکھنے سے بچا لیا۔ لیکن اس موضوع پر مجھے ابھی بہت کچھ کہنا ہے۔ وقت ملتے ہی لکھتی ہوں۔

عمار، لباس آپ کا اپنا ہے، اور اسے استعمال بھی آپ نے کرنا ہے۔ آپ کیا پہنتے ہیں اور کیا نہیں۔ اس سے کسی دوسرے کا کوئی لین دین نہیں۔ لیکن جب آپ گھورتے ہیں تو وہ آپ کسی اور کو گھور رہے ہیں۔ اور کوئی دوسرا آپ کی ملکیت نہیں ہے۔۔۔کہ جب چاہا، جہاں چاہا ۔۔گھور لیا، یا اس کے کپڑوں پر اعتراض کر لیا۔اپنے آپ کو بہتر رکھیں، دوسروں کی خامیاں نہ تلاش کریں۔

زیک Says:
دسمبر 11th, 2007 at 11:42 am
محب: میں کیا کپڑے پہنتا ہوں وہ میرا ذاتی فعل ہے اس سے کسی پر کوئی اثر نہیں ہوتا۔ مگر آپ اگر مجھے گھورتے ہیں یا تنگ کرتے ہیں یا برا سلوک کرتے ہیں تو یہ ایک معاشرتی فعل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیکر پہن کر پاکستان میں نکلیں ذرا باہر ، سب پر اثر ہوگا سب نے ایسا گھورنا ہے ناں کہ جسے نیکر پہلی بار دیکھ رہے ہں یا آپکو ،۔۔
کدھر گئی وھ آپکی نیکر ؟ جو تصویروں میں ہن رکہ ہوتی ہے ۔

ہاں باجو، مجھے بھی خوشی ہو رہی ہے۔ میری طرف تو ڈبے نہیں آ رہے۔ اور آپ کے کمنٹ میں بھی ڈبے نہیں ہیں۔

اوپر میں نے آزادی کے ساتھ اخلاقی اقدار کا ذکر کیا تھا، وہ بھی یاد رہے۔

بحث لمبی ہو جائے گی مگر کہنے کا مقصد یہ ہے کہ ذمہ داری اور احتیاط دونوں طرف سے کرنی پڑتی ایک فریق کو کلی طور پر ذمہ دار نہیں ٹھہرایا جا سکتا ورنہ معاملہ ہر شخص کے ذاتی کردار پر آ جائے گا جو مشکل حالات میں بھی اچھا ہی رہتا ہے۔ ایک مصرعہ میں بات کو سمیٹتا ہوں

راہ میں بیٹھوگےتو خریدار تو ہوں گے